EVA AZKUE
DAMA JOKOA erakusketa
Negua epel edo hotz etorri goxo izango da Arkami galerian. “Dama jokoa” erakusketa izango dugu erakusgai bitarte horretan. Eva Azkue sortzaile zarauztarrak emakume gorputz eta begiradaz bete du galeria. Elkarrizketak eraikitzeko asmoz osatutako lanak, emakumea begirada desberdin batetik begiratuz eta emakumeak begirada desberdinez begiratuz.
Herriko sortzaileak azken urteetan egindako hainbat lan jarri ditu bertan ikusgai. “Dama jokoa” sentsualitatea eta barne indarra uztartzen dituen erakusketa da. Kolore indartsuak eta emakume indartsuak. Pentsakor zein iradokitzaile, elkarrizketa bat eraikitzen duten emakume begiradak.
